Business.MN - Вэбинар

Өмнөх вэбинарууд

2021 оны 2 сарын вэбинаруудын бүртгэл эхэллээ.

БИЗНЕС ЦЭНЭГ вэбинар сургалтын 2 сарын хуваарийг танилцуулж байна:

  • 2 сарын 02. Дата шинжлгээнд үндэслэн бизнесээ хөгжүүлэх арга, Б.Цээсүрэн
  • 2 сарын 09. Дижитал маркетинг ба маркетингийн автоматжуулалт, Б.Бөтзориг
  • 2 сарын 16. Зайнаас ажиллах үеийн хууль эрх зүйн зарим зохицуулалт, С.Батбуян
  • 2 сарын 23. Мэдээллийн технологийн шийдэлтэй борлуулалтын тактикууд, Б.Сарантуяа

Вэбинарт academy.karakorum.digital сайтаар бүртгүүлнэ үү.

2021 оны 1 сарын Вэбинаруудын бүртгэл эхэллээ.

БИЗНЕС ЦЭНЭГ вэбинар сургалтын 1 сарын хуваарийг танилцуулж байна:

  • 1 сарын 05. Туршлага хуваалцах арга ба ном бичих 10 алхам, П.Гандолгор
  • 1 сарын 12. Хөдөлмөрийн харилцаан дахь сэтгэлзүйн гэрээний ач холбогдол, Б.Жавзан 
  • 1 сарын 19. Ажилтныг хэрхэн көүчлэх вэ? Баяржаргал
  • 1 сарын 26. Маркетинг, борлуулалтдаа вэбсайтыг үр дүнтэй ашиглах аргууд Ж.Дашням

Вэбинарт academy.karakorum.digital сайтаар бүртгүүлнэ үү.

 

12 сарын 01. Татварын хуулийн хэрэглээ, шийдэл

Лектор Х.Тунгалагмаа
Монголтакс Татварын Мэргэшсэн Зөвлөх компанийг Үүсгэн байгуулагч, Татварын мэргэшсэн зөвлөх

Бизнес эрхлэгч-татвар төлөгч хэн бүхэн Татварын ерөнхий хууль болон бусад татварын тухай хуулиудын талаар зөв мэдлэг, баталгаат мэдээлэлтэй байх хэрэгтэй байдаг. Энэ удаагийн вэбинарт Монгол улсын нягтлан бодох бүртгэл, татварын мэргэшсэн зөвлөх үйлчилгээг 15 жил үзүүлж буй мэргэшсэн зөвлөх та бүхэнд вэбинар сургалтыг хийх болно.  

Энэхүү сургалтаар Татварын хууль эрх зүй, орчны шинэлэг зохицуулалт, татвараа өөрөө тодорхойлон төлөх үүргийн биелэлтийн тухай болон татварын хөнгөлөлт чөлөөлөлт, албан татвар ногдох орлогоос хасагдах зардал, бүртгэл тайлагналтай холбоотой мэдлэгийг вэбинарт оролцогчдодоо эзэмшүүлэх болно.

БҮРТГЭЛ ХААСАН

12 сарын 08. Жижиг дунд бизнесийн санхүү бүртгэлийн тогтолцоог үнэлэх аргачлал

Лектор Ч.Мөнхбадрах, Sanhuuch.mn-ийн үүсгэн байгуулагч, санхүүгийн зөвлөх

Жижиг дунд байгууллагын эзэн, захирал, нягтлан бодогчдод чиглэсэн энэхүү сургалтаар Бүртгэл – Тайлагнал – Хяналт – Төлөвлөлт гэсэн үндсэн 4 чиг үүргийн онцлог, ялгаа, ач холбогдлыг тайлбарлаж, үүнээс эхний БҮРТГЭЛ-ийн тогтолцоог хэрхэн үнэлэх аргачлалыг танилцуулна. Санхүүгийн удирдлагыг хэрэгжүүлэхэд шаардлагатай үндсэн 4 чиг үүрэг танай бизнест ямар хэмжээнд бүрэлдсэн байгааг үнэлж үзэх, санхүү бүртгэлийн тогтолцоог үнэлэх аргачлалыг өөрийн бизнестээ хийж үзэх, сайжруулах шаардлагатай хэсгүүдийг олж илрүүлэх, санхүү бүртгэлийн тогтолцооны үнэлгээний дагуу хэрэгжүүлэх ажил арга хэмжээг төлөвлөж, гүйцэтгэх, давтан үнэлгээ хийх талаар практик зөвлөмжийг өгөх болно. Мөн та sanhuuch.mn сайтын нийтлэл, мэдээллийг урьдчилан үзээд, сэдвийнхээ хүрээнд дэлгэрүүлэн асуух зүйл байвал вэбинарын үеэр зөвлөгөө авч болно.

БҮРТГЭЛ ХААСАН

12 сарын 15. Төвлөрлийг бий болгох замаар бизнесийг амжилттай өсгөх нь

Лектор Өлзийбуян, Гүйцэтгэлийн Төгөлдөршил ХХК-ийн гүйцэтгэх захирал, менежментийн зөвлөх

Та бизнесийг эхлүүлсэн арга барилаараа бизнесийн өсөлтийг бий болгож чадахгүй. Бизнесийг эхлүүлэх үед та сайн бүтээгдэхүүн үйлчилгээг бий болгохын төлөө ажиллах нь зөв. Харин бизнесийн өсөлтийн үед та сайн бүтээгдэхүүн үйлчилгээ бий болгодог тогтолцоог бий болгоход чиглэж ажиллах хэрэгтэй. 

Төвлөрлийг бий болгох замаар бизнесээ амжилттай өсгөхийн тулд 1-рт стратеги төлөвлөгөөгөө сайжруулах, 2-рт улирал сарын төлөвлөлтөө сайжруулах, 3-рт төлөвлөх тайлагнах үйл явцаа сайжруулах шаардлагатай. Эдгээрийг хэрхэн хийх, яаж хэрэгжүүлэх талаар энэ вэбинараар хэлж өгөх болно.

БҮРТГЭЛ ХААСАН

12 сарын 22. Дэлхийн түвшний менежерийн ур чадварт суралцах нь

Лектор Б.Даваасүрэн, Гүрэн Академийн үүсгэн байгуулагч

Байгууллагад сайн менежер хэр их хэрэгтэй вэ? Дэлхийн түвшний ур чадвар эзэмшсэн менежер нь удирдаж буй багийнхаа чадамжийг бүрэн гаргаж ирж, компанийнхаа бүтээмжийг өсгөхийн зэрэгцээ ажилтнуудынхаа чансааг байнга нэмэгдүүлж байдаг. Тэгвэл Менежер Та ямар ур чадваруудыг хэрхэн эзэмших замаар дэлхийн түвшний менежер болж хөгжин үнэлэгдэх вэ? Байгуулагууд менежерүүдийнхээ ур чадварыг хэрхэн цаг үетэй нийцүүлэн сайжруулж,  яаж бүтээмж борлуулалтаа өсгөх вэ?

Дэлхийн өнцөг булан бүрт менежерүүдийг хөгжүүлж, амжилтанд хөтөлж буй “Шилдэг нь Байх” аргачлалтай танилцах энэхүү вэбинарт оролцож, дээрх  асуултуудын хариуг  авах боломжтой. Мөн олон улсын түвшинд менежерүүд ямар сорилтуудтай тулгарч байгаа болон түүнийг хэрхэн даван туулж буй талаар ярилцах болно. 

Өнөөдрийн менежер маргаашийн удирдагч байдаг билээ. Та бүхэн өөрийн давуу тал, ур чадвараа хөгжүүлэх шилдэг аргачлалд суралцаж, баг хамт олныхоо давуу тал, чадварыг илрүүлж, үр бүтээлтэйгээр манлайлж, брэндийнхээ урт хугацааны хөгжилд хөрөнгө оруулалт хийгээрэй.

БҮРТГЭЛ ХААСАН

11 сарын 03. Хөдөлмөрийн харилцаанд тулгардаг түгээмэл асуудлуудыг оновчтой шийдэх нь

Лектор Ж.Мөнхтунгалаг, Обсерв консалтинг ЗҮБ-ийн менежентийн зөвлөх

Аливаа бизнесийн ард байдаг гол хөдөлгөгч хүч нь ажилтнууд гэж үздэг учраас чадварлаг ажилтнуудыг урт удаан хугацаанд тогтвортой ажиллуулж, өндөр бүтээмжтэй байлгах нь ажил олгогчдын гол хүсэл зорилго болдог. Үүний тулд цэгцтэй, зөв удирдлага, менежмент хэрэгжүүлэх шаардлагатай болно. 

Энэхүү вэбинараар жижиг дунд бизнес эрхлэгчдийн хөдөлмөрийн харилцаанд түгээмэл гаргадаг асуудлуудыг хөндөж, дараах асуудлуудыг авч үзнэ. Тухайлбал, хөдөлмөрийн гэрээ хийхэд анхаарах зүйлс, сургалт хөгжлийн процесс, ажлын гүйцэтгэлийг үнэлэхэд гаргадаг асуудлууд, сахилгын зөрчил гарсан ажилтнуудад тооцох арга хэмжээ, мөн түүнчлэн хөдөлмөрийн харилцааг дуусгавар болгоход гаргадаг зөрчлүүд, тэдгээрийг шийдвэрлэх аргуудыг танилцуулах болно. 

БҮРТГЭЛ ХААСАН

11 сарын 10. Бизнесээ хэрхэн системчлэх вэ?

Лектор Д.Энхбат, Хархорум Дижитал ХХК-ийн үүсгэн байгуулагч 

Бизнесийн системчлэлийн зураглал болон яагаад бизнесээ системчлэх хэрэгтэй вэ?, системчлэх ажлаа хаанаас эхлэх вэ? гэсэн асуултын хариуг та энэ вэбинараас олж авна. Бизнесийг зөвхөн ажлын байр гэж бус, харин систем гэж харснаар түүнийг алхам алхмаар шинэчлэн сайжруулж, тасралтгүй өсгөн хөгжүүлж байх цэгцтэй хараа, арга барил тогтдог. Бизнесээ системчилснээр шинжлэх ухаанч арга барил, орчин үеийн технологи, стандартууд, ололт, туршлагуудыг авч хэрэглэж нөхцөл бүрдэнэ. Системчлэгдсэн бизнест олон шинэ давуу байдал үүсдэг. Үүнд: Системийн үр дүн тогтмол, чанартай байна. Системд ажилтныг сургах боломжтой, системийг хэмжих, хөгжүүлэх, түвэггүй томруулах, автоматжуулах болон төрөлжүүлж, нэгтгэх, хэлхэх боломжтой. Түүгээр ч зогсохгүй системийг зарж болно гэх мэт.

Бизнесээ системчлэх нь бизнес эрхлэгч хүний хамгийн чухал ажил, харин энэ ажлаа олж харалгүй орхих нь түүний хамгийн том алдаа юм. Та энэ алдааг гаргахгүйн тулд энэхүү вэбинарт оролцон бизнесээ системчлэх талаар ойлголт авч, ажилдаа хэрэгжүүлэх санаа сэдэл аваарай. 

БҮРТГЭЛ ХААСАН

11 сарын 17. Бүтээмжийг хэрхэн нэмэгдүүлэх, хэрхэн үнэлэх вэ?

Лектор Г.Батханд, Макс группын сургалт хөгжлийн менежер 

Байгууллагын үйл ажиллагаа, амжилт тухайн компанид ажиллаж байгаа ажилчдын бүтээмжээс маш их хамаарна. Тиймээс ажилтнуудынхаа хөдөлмөрийн бүтээмжийг дээшлүүлэх хүчин зүйлсийг судалж, нөхцөл байдалд тохирсон удирдлагаар хангах асуудал бизнес эрхлэгч захирал, менежерүүдэд тулгарч байдаг. Энэхүү вэбинар сургалтаар хувь хүний болон баг хамт олны бүтээмж гэж юу болох, ажилтны бүтээмжийг нэмэгдүүлэхэд нөлөөлдөг хүчин зүйлсийн тухай, нөгөө талаас баг хамт олны бүтээмжийг бууруулахад нөлөөлдөг хүчин зүйлсийн талаар авч үзнэ. 

Ажилтныхаа бүтээмжтэй ажиллаж байгаа эсэхэд хяналт тавин хэмжих, үнэлэх, улмаар бүтээмжийг нэмэгдүүлэх талаар энэ вэбинараас мэдэж аваарай.  

БҮРТГЭЛ ХААСАН

11 сарын 24. Хүний нөөцийн бодлого, стратеги боловсруулах арга зүй

Лектор Д.Бартанбаатар, Монголын Хүний Нөөцийн Институтын ерөнхий захирал 

Байгууллагын бодлого бол ямар ч компанийн хамгийн чухал бичиг баримт билээ. Харин уг бодлогод тусгасан зорилгыг биелүүлэхэд хүний нөөцийн бодлого чухал үүрэгтэй. Тэгвэл хүний нөөцийн бодлого гэж яг юу вэ, үүнийг хэрхэн зөв боловсруулах вэ гэдэг асуулт зүй ёсоор тавигдаж байна.

Хүний нөөцийн бодлого гэдэг нь хүний чадвар чадамжийг нэмэгдүүлэх, хөгжүүлэх, өрсөлдөх чадварыг дээшлүүлэх, мэргэшсэн чадварлаг хамт олныг бий болгохын тулд түүнд чиглэсэн зорилго, зорилтуудыг боловсруулахад баримтлах зарчим, хэрэгжүүлэх арга хэлбэр, зохион байгуулалтын нийлбэр цогц юм. Хүний нөөцийн бодлогыг боловсруулахдаа хамгийн түрүүнд байгууллагынхаа стратеги, төлөвлөлтэй уялдуулах нь чухал. Бодлогыг боловсруулах үйл явц нь компанийн хүний нөөцийн хүрээнд шийдвэрлэх асуудлыг тодорхойлохоос эхлэх бөгөөд хэн боловсруулах, яаж боловсруулах тухай болон төлөвлөлтийн хэрэгжилтэндээ үнэлэлт дүгнэлт хийх талаар энэ лекцээр танд хэлж өгнө.

Мөн хүний нөөцийн бодлогын үнэт зүйл, баримтлах зарчим, урт хугацааны бодлого боловсруулахад анхаарах зүйлс зэрэг олон сонирхолтой асуудлыг энэхүү вэбинараар танилцуулж, мэргэжлийн зөвлөгөөг өгөх болно.

БҮРТГЭЛ ХААСАН