Business.MN - Вэбинар

11 сарын 03. Хөдөлмөрийн харилцаанд тулгардаг түгээмэл асуудлуудыг оновчтой шийдэх нь

Лектор Ж.Мөнхтунгалаг, Обсерв консалтинг ЗҮБ-ийн менежентийн зөвлөх

Аливаа бизнесийн ард байдаг гол хөдөлгөгч хүч нь ажилтнууд гэж үздэг учраас чадварлаг ажилтнуудыг урт удаан хугацаанд тогтвортой ажиллуулж, өндөр бүтээмжтэй байлгах нь ажил олгогчдын гол хүсэл зорилго болдог. Үүний тулд цэгцтэй, зөв удирдлага, менежмент хэрэгжүүлэх шаардлагатай болно. 

Энэхүү вэбинараар жижиг дунд бизнес эрхлэгчдийн хөдөлмөрийн харилцаанд түгээмэл гаргадаг асуудлуудыг хөндөж, дараах асуудлуудыг авч үзнэ. Тухайлбал, хөдөлмөрийн гэрээ хийхэд анхаарах зүйлс, сургалт хөгжлийн процесс, ажлын гүйцэтгэлийг үнэлэхэд гаргадаг асуудлууд, сахилгын зөрчил гарсан ажилтнуудад тооцох арга хэмжээ, мөн түүнчлэн хөдөлмөрийн харилцааг дуусгавар болгоход гаргадаг зөрчлүүд, тэдгээрийг шийдвэрлэх аргуудыг танилцуулах болно. 

Бүртгүүлэх
11 сарын 10. Бизнесээ хэрхэн системчлэх вэ?

Лектор Д.Энхбат, Хархорум Дижитал ХХК-ийн үүсгэн байгуулагч 

Бизнесийн системчлэлийн зураглал болон яагаад бизнесээ системчлэх хэрэгтэй вэ?, системчлэх ажлаа хаанаас эхлэх вэ? гэсэн асуултын хариуг та энэ вэбинараас олж авна. 

Бизнесийг зөвхөн ажлын байр гэж бус, харин систем гэж харснаар түүнийг алхам алхмаар шинэчлэн сайжруулж, тасралтгүй өсгөн хөгжүүлж байх цэгцтэй хараа, арга барил тогтдог. Бизнесээ системчилснээр шинжлэх ухаанч арга барил, орчин үеийн технологи, стандартууд, ололт, туршлагуудыг авч хэрэглэж нөхцөл бүрдэнэ. Системчлэгдсэн бизнест олон шинэ давуу байдал үүсдэг. Үүнд: Системийн үр дүн тогтмол, чанартай байна. Системд ажилтныг сургах боломжтой, системийг хэмжих, хөгжүүлэх, түвэггүй томруулах, автоматжуулах болон төрөлжүүлж, нэгтгэх, хэлхэх боломжтой. Түүгээр ч зогсохгүй системийг зарж болно гэх мэт.

Бизнесээ системчлэх нь бизнес эрхлэгч хүний хамгийн чухал ажил, харин энэ ажлаа олж харалгүй орхих нь түүний хамгийн том алдаа юм. Та энэ алдааг гаргахгүйн тулд энэхүү вэбинарт оролцон бизнесээ системчлэх талаар ойлголт авч, ажилдаа хэрэгжүүлэх санаа сэдэл аваарай. 

Бүртгүүлэх
11 сарын 17. Бүтээмжийг хэрхэн нэмэгдүүлэх, хэрхэн үнэлэх вэ?

Лектор Г.Батханд, Макс группын сургалт хөгжлийн менежер 

Байгууллагын үйл ажиллагаа, амжилт тухайн компанид ажиллаж байгаа ажилчдын бүтээмжээс маш их хамаарна. Тиймээс ажилтнуудынхаа хөдөлмөрийн бүтээмжийг дээшлүүлэх хүчин зүйлсийг судалж, нөхцөл байдалд тохирсон удирдлагаар хангах асуудал бизнес эрхлэгч захирал, менежерүүдэд тулгарч байдаг. Энэхүү вэбинар сургалтаар хувь хүний болон баг хамт олны бүтээмж гэж юу болох, ажилтны бүтээмжийг нэмэгдүүлэхэд нөлөөлдөг хүчин зүйлсийн тухай, нөгөө талаас

баг хамт олны бүтээмжийг бууруулахад нөлөөлдөг хүчин зүйлсийн талаар авч үзнэ. 

Ажилтныхаа бүтээмжтэй ажиллаж байгаа эсэхэд хяналт тавин хэмжих, үнэлэх, улмаар бүтээмжийг нэмэгдүүлэх талаар энэ вэбинараас мэдэж аваарай.  

Бүртгүүлэх
11 сарын 24. Хүний нөөцийн бодлого, стратеги боловсруулах арга зүй

Лектор Д.Бартанбаатар, Монголын Хүний Нөөцийн Институтын ерөнхий захирал 

 

ТУН УДАХГҮЙ ЭНЭ СУРГАЛТЫН ТАЛААРХ ДЭЛГЭРЭНГҮЙ МЭДЭЭЛЭЛ ТАВИГДАНА.

Монголын Хүний Нөөцийн Институтын вэбсайт: www.mhri.mn

 

 

Бүртгүүлэх

Өмнөх вэбинарууд

10 сарын 06. ЧАНАР ГЭЖ ЮУ ВЭ, БИЗНЕСЭЭ ХЭРХЭН ЧАНАРЖУУЛАХ ВЭ?

Лектор Д.Отгонбат, “ОБЗЕРВ Консалтинг” ЗҮБ-ын Ерөнхий захирал, зөвлөх

Чанарын талаар ихэнх хүмүүсийн төсөөлөл, чанарын жинхэнэ мөн чанараас нэлээд хол байдаг. Бизнесийн байгууллагын хувьд чанарыг тэр тусмаа өөрийн бүтээгдэхүүн үйлчилгээний чанарыг зөвөөр үнэлж тогтоох нь олон талын ач холбогдолтой бөгөөд энэ нь цаашдын өрсөлдөөн, стратеги, хөрөнгө оруулалтын зэрэг олон асуудлын эх үндэс болдог.  Хэрэв тухайн бизнес тогтвортой хөгжлийг чухалчилж байгаа бол ЧАНАР бол зайлшгүй судлах ёстой нэг чухал тал мөн.

Энэ вэбинарт оролцсоноор та чанар гэж юу болох, чанарыг хэрхэн ойлгох, бизнесийн байгууллагууд чанарыг хэрхэн цогцлоох талаар ойлголттой болохоос гадна орчин үеийн чанарын удирдлагын чиг хандлагын талаар сүүлийн үеийн мэдээллийг авах боломжтой. Тус сургалт нь бизнесийн байгууллагын удирдах түвшний бүх менежер, захиралд зориулагдсан бөгөөд вэбинараас ажилдаа хэрэгжүүлж болох зүйлсийг мэдэж авна. 

БҮРТГЭЛ ХААСАН

10 сарын 13. БИЗНЕСЭЭ ХЭРХЭН ОНОШИЛЖ, ЭМЧЛЭХ ВЭ?

Лектор П.Пүрэвхатан, “ОБЗЕРВ Консалтинг” ЗҮБ-ын Менежментийн зөвлөх

Байгууллагууд бизнесийн тест оношлогоо хийж өөрийн сул талаа мэдэж авах, улмаар үүссэн аливаа асуудлыг даван гарах гарцууд болох асуудалд хандах хандлага, оновчтой шийдвэр гаргалтын талаар та энэхүү вэбинараас мэдэж аваарай. Бизнесээ хөгжүүлэх болон одоо байгаа нөхцөл байдлаа оношилж шинжлэхэд тань зөвлөх үйлчилгээ хэрхэн туслах, бизнесийн зөвлөх үйлчилгээг авахад юуг анхаарах ёстой талаар болон бизнесээ хэрхэн оношлох, түүний ач холбогдлын талаар мөн дэлгэрэнгүй танилцуулна. 

Танд бизнесийн зөвлөх үйлчилгээ хэрэгтэй юу? Зөвлөх үйлчилгээг маш бага зардлаар авах боломжийг ч бас бүү алдаарай. Энэхүү вэбинар нь ЖДҮ, Старт ап-ын захирлууд, компанийн бүх түвшний менежерүүд, бизнесийн аль нэг хэсэгт асуудалтай тулгарсан захирлуудад туслах болно.

10 сарын 20. БИЗНЕСИЙН ХЭЛЦЛИЙГ ЗӨВ ХИЙХ ТЕХНИК

Лектор Д.Асралт, “Юнайтед Менежмент Консалтинг” ХХК-ийн зөвлөх

Бизнес эрхлэгч таны байгуулсан гэрээ асуудалтай байна уу, аль нэг талдаа илүү ашигтай байдлаар гэрээ хэлэлцээр хийгээд хэрхэх учраа мэдэхгүй байна уу. Тэгвэл та асуудлаа шийдэх гарцаа энэхүү вэбинараас олж авна. Бизнест ажил хэргийг зөв зохион байгуулах, зөв харилцааг чухалчилдаг. Тэгвэл үүнийг хэрхэн хийх, талуудыг эвлэрүүлж, нэгэн хуудсан дээр гаргаж чаддаг чадваруудыг та эзэмших болно. 

Бизнесийн хэлцэл нь зөвхөн гэрээ байгуулахад яригдах асуудал биш юм. Бизнесийн жижиг яриа хэлцлүүд дээр ч бий. Харилцааны зөөлөн ур чадварыг илүүтэй ярих болсон өнөө үед хэлэлцээр, тохиролцоо нь бизнесийн байгууллагуудын хувьд чухлаар авч үзэх сэдэв төдийгүй зөөлөн ур чадварын нэг хэлбэр юм. Энэ нь бизнесийн маргаан зөрчилдөөнийг нэг тийш болгож өгдөг. Бизнесийн эзэд, удирдлага, менежер, хуульч нарт зориулсан тус сургалтаар хэлцэл гэж юу болох талаар системтэй ойлголттой болохын зэрэгцээ үүнд хэрхэн бэлтгэх, түүний үр дүнг хэрхэн үнэлэх, улмаар үнэ цэнийг хэрхэн бий болгох талаар нэгдсэн ойлголттой болно. 

БҮРТГЭЛ ХААСАН

10 сарын 27. УДИРДАХ АЖИЛТНЫ СЭТГЭЛ ХӨДЛӨЛӨӨ ЖОЛООДОХ АРГУУД

Лектор Д.Наранцэцэг, “Ганабелл Институт”-ын сургагч багш, көүч

Удирдагч хүн өөрийн сэтгэл хөдлөлөө жолоодож сурснаар ажилтнуудынхаа сэтгэл зүйг таньж, сэтгэл хөдлөлийг нь зөв залах боломжтой болдог. Удирдагч хүний зайлшгүй эзэмших ур чадварын тэргүүн эгнээнд яах аргагүй өөрийн сэтгэл хөдлөлөө зөв жолоодож бусдад зөв үлгэр дууриал үзүүлэх чадвар багтдаг. Хүнийг удирдана гэдэг тухайн хүний сэтгэлзүйг зөв таньж зөв удирдан чиглүүлж сэтгэл ханамжтай ажиллах боломж олгохын нэр. Өөрийн сэтгэл зүйгээ удирдаж чаддаггүй удирдагч бусдад нөлөөлж бусдыг байлдан дагуулах боломжгүй.

Энэхүү вэбинараас удирдагч хүн хэрхэн өөрийн сэтгэл хөдлөлөө таньж түүнийг зөв удирдах арга аргачлалд суралцах талаар ойлголтыг авна. Мөн өөрийн төдийгүй бусдын сэтгэл хөдлөлийг зөв удирдан өөрийгөө болон бусдыг зөв ойлгож бусдад эерэгээр нөлөөлөн бусадтай зөв сайхан харилцах чадварт суралцах болно.

БҮРТГЭЛ ХААСАН

9 сарын 08. Бизнесээ эрсдлээс хэрхэн хамгаалах вэ?

Лектор, менежментийн үндэсний зөвлөх Ц.Өнөржаргал
Төслийн удирдлага хөгжлийн хүрээлэнгийн захирал, Удирдлагын Академийн ахлах багш

Аливаа байгууллагын зорилго, зорилгодоо хүрэх эсэхийг тодорхой бус болгодог дотоод, гадаад хүчин зүйлс, элдэв нөлөөллүүд  байдаг ба энэхүү тодорхой бус байдлын үр дагавар нь ЭРСДЭЛ юм. Байгууллагад болон бизнест гадаад, дотоод орчноос нөлөөлж болох нөлөөллийн хүчин зүйлсийг судалснаар, эрсдлийг урьдчилан харж чадах бөгөөд ийнхүү эрсдлийг олж харснаараа түүнийг тойрон гарах эсвэл даван туулах бэлтгэлээ хангаж эхэлдэг нь гарцаагүй танд амжилтыг авчирна. 

Эрсдлийн удирдлага нь бизнес эрхлэгчийн хувьд эрсдлээс үүдэж болох санхүүгийн хохирлыг багасгах, арилгах, ирээдүйд чиглэсэн үйл ажиллагаа юм. Бизнест учирч болзошгүй эрсдлийг бууруулах, эрсдэл учирсан нөхцөлд байгууллагын бэлэн байдлыг хангахад эрсдлийн удирдлагын арга ухааныг хэрхэн хэрэгжүүлэх талаар та энэхүү вэбинараас мэдэж авна.

БҮРТГЭЛ ХААСАН

9 сарын 15. Борлуулалтаа өсгөх арга билгийн 10 ухаан

Шилдэг борлуулагчид агуу том зорилго тавьж, түүндээ хүрэх маш тодорхой төлөвлөгөө гаргаж, ямх ямхаар зогсолтгүй урагшлах дадлыг өөртөө суулгасан байдаг. Аргын 5 ухаан, билгийн 5 ухааны харилцан шүтэлцээт чанарыг ойлгож, хослуулан хэрэглэж чадвал шилдэг борлуулагч болж чадна. Борлуулалтаа өсгөж, шилдэг борлуулагч болох арга ухааныг энэхүү вэбинараас олж мэднэ. Борлуулалтын үе шатыг хэрхэн хэрэгжүүлэх аргачлалыг олж авахаас гадна өөртэйгөө ажиллах төлөвлөгөө гаргахад суралцаж, олон кэйс туршлагаас амьдралдаа хэрэгжүүлэх санаа сэдэл олж аваарай.

Үр дүн ба үйл явц хэмээх арга билгийн ухаан: Та хаана хүрэхээ тодорхойлсон бол, яаж очихоо бас төлөвлөж, төлөвлөсний дагуу өдөр бүр үйлдэл хийж чадвал энэ арга билгийг ашиглаж байна гэсэн үг.
Гадаад имиж ба дотоод хүч хэмээх арга билгийн ухаан: Та ажил хэрэгч хувцаслалт, сайхан инээмсэглэл, хүчирхэг алхаа гишгээрээ биеэ чимэхдээ өөртэй итгэлтэй, өөдрөг бодолтой, амжилтын сэтгэлгээтэй байж дотроосоо гэрэлтэж байвал энэ арга билгийн ухааныг нэвтрүүлж чадаж байна гэж үзээрэй.
Ярьж итгүүлэх ба сонсож ойлгох хэмээх арга билгийн ухаан: Уран ярьж, хүлээцтэй сонсох зэвсгийг эзэмшиж харилцагчдаа эерэгээр нөлөөлж чадаж байгаа бол энэ арга билгийн ухааныг зэвсэг мэт эзэмшсэн байна гэж үзье.
Мэдлэг ба мэдрэмж хэмээх арга билгийн ухаан: Хийж байгаа зүйлийнхээ талаар мэдлэг туршлагатай, дотоод зөн совингоо сонсож чаддаг хүн харилцагчаа дотроос нь мэдэрч тэдэнтэй хүчирхэг холбоосыг үүсгэж чадвал та мэдлэг, мэдрэмжийн арга билгийн ухааны эзэмшсэн байна.
Авах ба өгөх хэмээх арга билгийн ухаан: Өгөхийн хэрээр авч чаддаг, авахын хэрээр өгч чаддаг хуулийг ойлгож, харилцагчдаа үйлчилж, халамжилж чадвал таны санасан хэрэг сэтгэгчлэн бүтэх болно. Ингэсэн цагт та өгөх авахын арга ухааныг эзэмшсэн байна гэсэн үг.

БҮРТГЭЛ ХААСАН

9 сарын 22. Манлайлал ба удирдлагын залгамж халаа

Лектор, менежментийн  зөвлөх/удирдлагын көүч Ц.Оюунжаргал
Глобаль Стратегийн Удирдлагын Институтийн захирал

Та энэхүү вэбинарт оролцсоноор манлайллын ур чадварийн өнөөгийн түвшингээ тодорхойлж, хувь хүний манлайлах ур чадвараа хэрхэн ахиулах тухай болон байгууллага хамт олон, багийг хэрхэн оновчтой удирдах талаар суралцахын зэрэгцээ ажлын гүйцэтгэл, үр дүнг сайжруулахад хэрэглэдэг практик, арга техникүүдийг эзэмшинэ.

Байгууллагын удирдлагыг чадваруулах энэхүү сургалтаас 21-р зууны манллайллын чиг хандлага ямар байгаа тухай болон манлайллын түвшин ба эмоцийн чадавхи, багийн удирдлагын тухай, удирдлагын шийдвэр гаргах арга техникийн талаар та эндээс мэдэж авах болно. Мөн компанийн захирал удирдлага бүрт тулгардаг залгамж халаа бэлдэх асуудлаар та энэхүү вэбинараас чиглэл аваарай.

БҮРТГЭЛ ХААСАН

9 сарын 29. Компани амжилттай ажиллахад сэдэлжүүлэлт ямар нөлөөтэй вэ?

Лектор, зөвлөх Д.Болор
“Компаний Гүйцэтгэх дээд удирдлага буюу CEO-1” болон “Бизнесийн зөвлөх” номын зохиогч

Ажилтнуудын бүтээмжийг дээшлүүлэн ажлын гүйцэтгэлийг удирдах, хүмүүс хоорондын  харилцааг сайжруулагч чухал хэрэгсэл бол СЭДЭЛЖҮҮЛЭЛТ юм. Хувь хүн болоод байгууллагын өмнөө тавьсан зорилгодоо хүрэхийн тулд өөрийгөө  болон бусдыг өдөөн ажиллуулах, хэрэгцээг хангах процессыг Сэдэлжүүлэлт гэнэ. Компанийн бизнесийн зорилгын ач холбогдол, гүйцэтгэлийн үнэлгээг таниулж ойлгуулж, сургалт, коучинг хийгээд ч ажилтан өөрөө хүсэл тэмүүлэлгүй, сэдэлжээгүй бол үр дүн гарахгүй билээ.

Сэдэлжүүлэлтийн процесс нь хэрэгцээ үүсэх, түүнийг шийдвэрлэх арга замыг хайх, үйлдлийн чиглэлийг тодорхойлох, үйлдлийг гүйцэтгэх, үр дүнд хүрэх, хэрэгцээг арилгах гэсэн үе шаттай.  Энэхүү вэбинараас ажилтны сэтгэл ханамжийн судалгаа хийх, сэдэлжүүлэлтийн орчинг бий болгох болон сэдэлжүүлэлтийн практик туршлагуудаас санаа авч ажилдаа хэрэгжүүлээрэй.

БҮРТГЭЛ ХААСАН

6 сарын 23. Багийн нөлөөлөл ба багийн тоглогчийн чадварыг дэмжих аргууд

Лектор, зөвлөх сэтгэл зүйч Б.Жавзан
Психометрикс ХХК-ийн захирал, Сэтгэлзүй Сэтгэц Хэмжилзүйн Үндэсний хүрээлэнгийн УЗ-ийн дарга

Байгууллага доторх жижиг багуудыг үнэлэх дүгнэх, анализ хийхэд багийн талаарх мэдлэгийг хэрэглэхэд танд тусална. Баг, хамт олныхоо дунд хувь хүний гаргадаг зан үйлийн олон талуудыг ойлгосноор бизнес эрхлэгчид, менежерүүд хэрхэн ажиллах арга барилаа тодорхойлдог. Баг хамт олон бүрдүүлэх, нөлөөтэй багийг бий болгохын ач холбогдлыг та энэхүү вэбинараас олж авна.

Багийн тоглогч гэдэг ойлголт зөвхөн спортын багт яригддаг ойлголт биш, байгууллага аж ахуйн нэгж бүрийн жижиг бүлгүүд болох баг, хэлтэс, төслийн багийн үйл ажиллагааг амжилттай явуулах нь тоглогчоос хамраана. Багийн тоглогч нь ажил үүргээ сайн гүйцэтгээд зогсохгүй хамт олон, багийн эрхэм гишүүн байснаар багийн үйл ажиллагаагаар дамжуулж байгууллагын үйл ажиллагааг үр нөлөөтэй, үр ашигтай болгоход хувь нэмрээ оруулагч юм. Иймээс байгууллагууд маш хүчтэй, нөлөөтэй, сайн гүйцэтгэлтэй, зорилго зорилтонд хүргэж чадах багийн гишүүдээс байгууллага хамт олноо, багаа бүрдүүлэхийг хичээдэг. Нэг талаас хэрхэн багийн гол нөлөөлөгч байх, багийг бүрдүүлэх, багийг үр дүнтэй ажиллуулах вэ гэж уридлага менежерүүд; нөгөө талаас хэрхэн багаар ажиллах, багийн хэм хэмжээ, хэрхэн сайн багийн тоглогч байх вэ, бүлгийн нормыг хүлээн зөвшөөрөх вэ зэрэг олон асуултад хариулж, сэтгэл зүйн суурь ойлголтуудыг энэ вэбинараар өгөх болно.
Багийн тоглогчийн сэтгэл зүй, зан үйлийн олон талуудыг ойлгож, багийн тоглогчийн чадварыг дэмжих аргуудаас санал сэдэл авч ажилдаа хэрэгжүүлснээр орчин үеийн байгууллагын цаашдын үйл ажиллагаа амжилттай явагдана. ТА ЧАДВАРЛАГ БАГИЙН ТОГЛОГЧ БОЛОХ УУ?

БҮРТГЭЛ ХААСАН

6 сарын 16. Бизнесүүд яагаад CRM хэрэглэх хэрэгтэй вэ?

Лектор, дижитал маркетер Б.Батзориг. Энтрепренёр, BZP Digital&Inbound компанийн захирал

Аливаа бизнесийн оршин тогтнох үндэс суурь нь хэрэглэгч байдаг. Хэрэглэгчтэйгээ үүсгэх маркетинг, борлуулалт, үйлчилгээний бүхий л харилцаагаа удирдахад тань CRM танд хэрэгтэй.
Энэхүү вэбинараар хэрэглэгчтэйгээ үүсгэх БҮХИЙ Л харилцааг удирдах CRM системийн тухай энэ системийг бизнестээ хэрэгжүүлснээр хэрэглэгч харилцагчтайгаа түргэн шуурхай цэгцтэй харилцах, цаг хугацаа зардал хэмнэх, багаар үйлчилгээ үзүүлэх гээд олон давуу талуудыг олж авч болохыг танд танилцуулна. CRM юуг хийж чадах, аль салбарын хэн яаж ашиглавал үр дүнтэй байх талаарх ойлголтыг өгч, бизнестээ CRM нэвтрүүлэхэд тань хэрэг болохуйц практик зөвлөмжүүдийг өгнө. Байгууллагынхаа вэб сайт, сошиал медиа, мессенжер, и-мэйл,байгууллагын утас зэрэг та өөрийн хэрэглэгчтэй ажилладаг сувгуудаа CRM-тэй холбон, өгөгдөл, бичлэгийг авч илүү шуурхай, ухаалгаар ажиллах арга техникийг та энэхүү вэбинараас олж аваарай.
Та бизнестээ CRM ашигласнаар хэрэглэгчтэй үүсэх харилцаа, хэлцлээ хаанаас ч онлайнаар уян хатан удирдах бөгөөд хамт олны багийн ажиллагаа тань шинэ түвшинд гарах болно.

БҮРТГЭЛ ХААСАН